Kyaaban Daiyaksaid

From Bileez Kriol Wiki

Wahn gyas weh tika dan ayaa ahn weh faam wen wan kyaaban atom ahn too aksijin atom geh tugeda.Ih geh mek wen di mateeryal dehn wid kyaabn bon op. Dis inklood faasl fyoowil weh ferment, aaganik mateeryal weh brok dong, ahn ih hapn eena aaganizm eena di ayaa when dehn breed [tek een ayaa ahn push owt ayaa—noh ga pikni!]. Di ayaa tek een CO2 chroo di plaant dehn; wi kaal dis foatosintisis. Wen dis hapn aksijin geh mek tu. CO2 da wan a di mayn kaaz a di greenhows ihfek. Pahn tap, ih mek di oashan dehn ga moa asid, sayka kyaaban asid faam wen di CO2 brok dong eena di oashan waata.